Сообраќајната полиција во текот на вчерашниот ден (11 мај) спровела засилени контроли на целата територија на државата за санкционирање на прекршоци што ги чинат возачите на мотоцикли, при што казнети се 305 возачи.
Како што информираат од МВР, 201 возач не користеле заштитна кацига за време на возење, 64 возеле без возачка дозвола, девет мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.
Од ресорното министерство посочуваат дека засилените контроли ќе продолжат и во наредните денови.
