Основен кривичен суд Скопје ја извести јавноста дека донел решение со кое на лицето М.С., поранешен претседател на Фудбалска федерација на Македонија, му е определена мерка притвор во траење од 30 дена.
Одлуката е донесена постапувајќи по предлог на надлежното обвинителство, а според судот, постои основано сомневање дека лицето сторило кривично дело проневера во служба.
Како што се наведува, судот оценил дека постојат околности кои укажуваат на опасност од бегство, како и можност осомничениот да влијае врз сведоци и докази во текот на постапката.
Од Основен кривичен суд Скопје посочуваат дека и понатаму ќе постапуваат согласно законските надлежности, со цел ефикасно и законито водење на постапката.
