Џенифер Лопез и Бен Афлек минатиот викенд го собраа семејството и пријателите на раскошна свадбена прослава со винтиџ холивудска тематика.
Но, 53-годишната пејачка и актерка беше најмногу воодушевена од тоа што ќе ги собере сите нивни деца на тридневната забава, пренесува „Пипл“.
Таа, наводно, е пресреќна што повторно ќе стане маќеа.
Џенифер ги има Макс и Еми (14) со поранешниот сопруг Марк Ентони, а Бен ги има Вајолет (16), Серафин (13) и Сем (10) со поранешна сопруга Џенифер Гарнер.
„Многу ѝ беше мило да ги види сите деца таму. Ја сака таа локација. Се чувствуваше многу посебно“, рекол извор близок до поп-ѕвездата. „Тоа беше сон за неа“.
Убавицата родена во Бронкс сака да биде госпоѓа Афлек. „Таа постојано вели ‘мојот сопруг’ и тоа е многу симпатично“, вели инсајдерот.
Ова не е прв пат Лопез да ја игра улогата на маќеа.
Кога се омажи за Ентони, таа стана маќеа на неговите деца Аријана (28), Чејс (25) Кристијан (21) и Рајан (19).
Новите господин и госпоѓа Афлек изнајмија куќа во Беверли Хилс додека не заврши реновирањето на старата палата на Џенифер во Бел Ер, Калифорнија.
Не е познато дали сите деца ќе одат во исто училиште бидејќи се речиси сите тинејџери со исклучок на Семјуел.