Утрински Весник
Свет

Јужна Кореја нареди тестирање на над 4000 членови на една црква

Јужна Кореја нареди тестирање на над 4000 членови на една црква

Сите 4.066 членови на црквата Саранг-јеил во Јужна Кореја ќе бидат тестирани за коронавирус откако било откриено дека голем број луѓе се заразиле за време на религиозен обред на оваа верска група, пишува Си-ен-ен.

Градоначалникот на Сеул, Сео Јеонг-Хиуп изјавил дека 2000 членови на оваа верска конгрегација се веќе тестирани и испратени во самоизолација. Тој додал и дека градската служба работи со националната полиција која оди од врата до врата и ги испраќа луѓето на тестирање.

Досега 249 членови на црквата Саранг –Јеил се позитивни на ковид-19. Ќе бидат преземени и правни акции против првиот човек на црквата, кого градоначалникот на Сеул го обвини дека го прекршил законот за спречување на ширењето на коронавирусот.

Претседателот на Јужна Кореја, Мун Жае-ин денеска на Фејсбук објави дека остро ќе се пресмета со поединци, кои не го почитуваат законот и присуствуваат на настани кои се извор на масовна зараза.

Извор: makfax.mk

Можете да прочитате

Во Јапонија минатата година регистрирани рекордни 122.806 случаи на злоставување деца

Американската централна банка потврди рекордна загуба

Руски воени бродови навлегоа во Црвеното Море