Аргентинскиот репрезентативец Леандро Паредес се согласи за трансфер во Јувентус, оставајќи само реализација на конечниот договор меѓу италијанскиот гигант и неговиот сегашен клуб Пари Сен Жермен. 28-годишниот Паредес долго време беше цел на Јувентус и тренерот Масимилијано Алегри.
Аргентинецот ги договорил личните услови со Италијанците, но управата на клубот од Торино треба да ги финализира преговорите со францускиот шампион.
Пари Сен Жермен за него бара отштета од 25 милиони евра, плус бонуси, но тоа засега сериозно отстапува од намерата на Јувентус да плати околу 15 милиони евра, плус бонуси.
Италијанскиот тим се обидува да го продаде Бразилецот Артур Мело на Валенсија и потоа успешно да склучи договор за ангажман на Паредес.