Украина бара од Јапонија висококвалитетни сателитски снимки за да и помогнат да се одбрани од руската армија, објави денеска јапонскиот весник „Никеи“.
Според извештајот на весникот, јапонската влада и приватните компании управуваат со сателити кои имаат можност да прават детални снимки дење и ноќе, како и да ги надминат другите пречки во атмосферата, пренесува Ројтерс.
Како одговор на ова барање, јапонската влада, според извори на јапонските медиуми, одговорила дека внимателно ќе размисли дали обезбедувањето на такви податоци за Украина е политички прифатливо или дозволено според сегашната правна рамка.
