Германскиот канцелар Олаф Шолц на денешната прес-конференција по вонредниот состанок на Европскиот совет изјави дека одлуката на Европската унија за шестиот пакет санкции ќе влијае на економскиот развој и просперитетот на Русија.
Околу 90 отсто од увозот на нафта во Европа е покриен со ембаргото. Исклучокот за нафта од нафтоводот што се испорачува до некои земји во Европа овозможи заеднички договор, објасни Шолц.
– Ова беше важно, бидејќи преодните мерки што треба да ги преземат овие земји не успеаја толку брзо да се финализираат – рече тој.
Германија и Полска продолжуваат со напорите да станат независни од руската нафта до крајот на годината, изјави германскиот канцелар, пренесе аваз.ба.