Мадрид, 12 јуни 2020 (МИА) – Шефот на амбасадорите на Ла Лига, екс-претседател на Малага, Фернандо Санс, зборуваше за евентуалното учество на публика на натпреварите по рестартирањето на првенството на Шпанија.
– Раководството на Ла Лига внимателно ќе го следи ширењето на заканата од коронавирусот. Ако се оди според најдобро сценарио, тогаш признавам дека во последните рунди можеме да дозволиме одреден број навивачи со строг протокол за верификација. Сега не можам да дадам приближна бројка, но ако пополниме дури третина од стадионот, ќе биде одлично и ќе биде од голема помош да ја започнеме сезоната 2020/21 како и обично, потенцира Санс.
Ла Лига продолжи синоќа со градското дерби во Севиља, а вечер на распоредот се две средби од 28. коло. зс/
