Шведска денеска објави дека ќе и даде на Украина 50 милиони шведски круни или околу 5,4 милиони долари во период од три години со цел да го поддржи економскиот развој, дијалогот и зајакнувањето на таа земја.
Парите ќе одат во „Партнерскиот фонд за издржлива Украина“, кој беше лансиран во соработка со Обединетото Кралство, Швајцарија и САД, пренесува Ројтерс.
„Фондот ќе придонесе за зајакнување на Украина. Ќе може брзо и флексибилно да одговори на потребите кои се развиваат и материјализираат како резултат на руската агресија од 2014 година“, рече во изјавата шведската министерка за надворешни работи Ен Линде.
