Шведска ќе воведе дополнителни мерки за борба против зголемениот број случаи на Ковид-19 и зголемениот притисок врз здравствениот систем, изјави денеска шведската премиерка Магдалена Андерсон.
– Ситуацијата несомнено е влошена. Нивото на зараза во Шведска е највисоко до сега – изјави Андерсон на прес-конференција, пренесува Ројтерс.
Новите мерки вклучуваат работа од дома каде што е можно, ограничено работно време за барови и ресторани и ограничен број луѓе на јавни настани.
