Шведска ќе ги продолжи постоечките епидемиолошки мерки за уште две недели, изјави денеска министерката за здравство Лена Халенгрен.
Постојните мерки се продолжени поради омикронскиот сој на коронавирусот, кој со голема брзина се шири во земјата, рече Халенгрен на прес-конференција, пренесува „Ројтерс“.
Мерките се однесуваат на локали и ресторани кои можат да работат само до 23 часот, а дозволено е присуство на 500 лица во поголемите затворени простори.
Минатата недела во Шведска се потврдени околу 270.000 случаи, а ширењето на вирусот го оптоварува здравствениот систем, наведува британската агенција.
