Чешка има намера да побара најмалку една милијарда чешки круни (приближно 39 милиони евра) од Русија како компензација за материјалната штета од експлозиите во депоата во селото Врбетице, изјави вицепремиерката и министерка за финансии, Алена Шилерова, објави ТВ-каналот „Чешка телевизе“.
„Наједноставниот начин да се добие отштета од Русија е добивање надомест со примена на норми од меѓународното право. Ако го следиме патот на барање надомест на штета, на пример, преку кривична постапка, тоа може да трае долго, многу долго“, вели Шилерова.
На 17 април, Прага објави дека Москва наводно била вмешана во експлозии на складишта за муниција во источното чешко село Врбетице во 2014 година и протера 18 вработени во Руската амбасада во Прага.
Руското Министерство за надворешни работи по ова прогласи 20 вработени во Амбасадата на Чешка во Москва за персона нон грата.
