Лондон, 25 април 2020 (МИА) – Челзи одлучи да не учествува во планот за придобивки од државните службеници. Клубот ќе продолжи да ги исплаќа целосно платите на сите вработени. Привремените вработени и вработените вклучени во деновите на натпреварот ќе примаат исплати до 30 јуни – под истите услови како да се одржуваа натпреварите.
Поддршката на женскиот фудбалски тим и женска академија ќе остане на исто ниво.
Покрај овие одлуки, раководството на „сините“ на чело со Роман Абрамович одлучи да им ги врати парите на сезонските носители на билети за сите натпревари што беа планирани на стадионот „Стемфорд Бриџ“, но нема да се играат таму освен ако сезоната продолжува или натпреварите се одвиваат на други арени.
Покрај тоа, клубот ќе обештети и 3800 навивачи кои планираа да заминат во Минхен за вториот натпревар од осминафиналето на Лигата на шампионите со Баерн Минхен, цената на патувањето и сместувањето – до 350 фунти за секоја личност. Натпреварот требаше да се игра на 18 март.
Минатата недела се дозна дека играчите на тимот се согласиле да ги намалат платите за 10%, а селекторот Френк Лампард – за 25%.
На 13 март сезоната во Премиер лигата беше суспендирана поради пандемијата на коронавирус. Датумот на продолжување на првенството сè уште не е познат. зс/
