Велес, 23 март 2020 (МИА) – Вкупно 54 социјално загрозени семејства од Велес добија пакети со храна, изработени од ОЈУ детски градинки „Димче Мирчев“ во соработка со Меѓуопштинскиот центра за социјални работи, а доставени во текот на викендот од мобилни тимови на ОО Црвен крст.
Организаторите појаснуваат дека хуманитарната акција е со цел да се помогне на социјално ранливите категории на граѓани во овој период на прогласена вонредна состојба, односно да се излезе во пресрет на најпогодените сограѓани, кои немаат пари за набавка на најосновни артикли за храна. ад/аа/
