Харизматичната оскаровка Хелен Мирен се придружи на актерската екипа на претстојниот филм на „Ди-си комикс“, каде ќе ја глуми злобната Хеспера, ќерка на Атлас, според официјалниот опис на филмот.
Како што пренесува The Wrap, малку се знае за Хеспера во универзумот на „Ди-си комикс“, но Атлас е име на неколку ликови инспирирани од Титанот на страрогрчката митологија.
Филмот е продолжение на „Шазам!“ од 2019 година – акција, адаптација на стрип – и ќе ја проследи приказната за тинејџерот Били Бетсон, кој откако ќе го изговори магичниот збор Shazam го погодува жива молња на боговите и тој се трансформира во возрасен суперхерој, Шазам.
Заедно со Хелен, Ашер Ејнџел ќе се врати како момчето Били, додека Захари Леви повторно ќе го игра титуларниот суперхерој.
