Париз, 14 април 2020 (МИА) – Францускиот претседател Емануел Макрон, во апел до народот, најави продолжување на забраната за одржување масовни настани барем до средината на летото, поради пандемијата на коронавирус.
Ова значи дека шансите за одржување на „Гран при“ во Формула 1 во земјата се исклучително мали. Трката е закажана за 28 јуни.
Трката во Франција е малку веројатно да се одржи навреме. Доколку се случи тоа, веројатно ќе биде без гледачи.
Претходно беше објавено дека организаторите ја разгледуваат оваа опција. Парите од купените билети ќе им бидат вратени на гледачите. зс/
