Француската министерка за здравство Оливија Веран објави дека во оваа земја за само еден ден може да има близу триста илјади новозаразени со Ковид-19.
Сето ова се случува во моментот кога Собранието ноќта меѓу понеделник и вторник го прекина гласањето за новиот предлог-закон за воведување на пропусницата за вакцинација.
Пратениците со кревање раце решија да не ја продолжат расправата по полноќ.
Надлежните се гневни затоа што брзаат овој документ да стапи во сила. Министерот за здравство ваквото однесување го оцени како неодговорно, а премиерот Жан Катекс истакна дека пратениците нема да работат по полноќ, додека лекарите среде пандемија не прашуваат за работното време.
Владата нагласува дека ќе се потруди да го почитува календарот, односно пропусницата да стапи на сила „околу 15 јануари“.
