Скопје, 24 март 2020 (МИА) – Имаме голема резерва заштитни маски во рамките на Министерството за здравство. Имаме над 20.000 заштитни маски, кои се како резерва за јавно здравствените институции, истакна попладнево министерот за здравство Венко Филипче, одговарајќи на новинарско прашање по прес-конференцијата во Владата.
Посочи дека на светскиот пазар сега има помалку заштитни маски заради нивната голема побарувачка, меѓутоа секоја институција согласно одлуката на Владата има обврска да ги снабди своите работници со заштитна опрема. рп/са/
