Веб-страницата Vakcinacija.mk од денеска ја пуштивме во употреба, a за само неколку часа има повеќе од 8.000 регистрирани граѓани, соопшти на социјалните мрежи, министерот за здравство, Венко Филипче.
Веб-страницата www.vakcinacija.mk од денеска ја пуштивме во употреба. За само неколку часа има повеќе од 8000…
Posted by Венко Филипче on Среда, 10 февруари 2021
„Сите пополнети апликации на страницата ќе бидат внесени во системот ‘Мој Термин’ и нема потреба дополнително да го ажурирате податокот или да го барате и информирате својот матичен лекар дека сте се регистрирале. Согласно распоредот предвиден во планот за вакцинација, матичниот лекар ќе ве повика и ќе ве информира за точниот датум и час кога треба да се вакцинирате на пунктот кој ќе го изберете при регистрацијата“, објаснува Филипче во објавата.
Министерот нагласува дека во првата фаза ќе се вакцинираат здравствените работници и граѓаните над 70 години.
„Сите останати кои се регистрирале ќе бидат контактирани во матичниот тогаш кога нивната група ќе биде на ред за вакцинирање согласно националната стратегија“, посочува Филипче кој додава дека вакцинирањето е доброволно, но е единствениот начин за да го победиме вирусот.
