Словенија освои уште еден медал во ски скоковите на Зимските олимписки игри. По златото во натпреварот на мешаните тимови, златото и бронзата на малата скокалница во женска конкуренција, машкиот тим освои сребро на големата скокалница.
Словенците, во состав: Петер Превц, Тими Зајц, Цене Превц и Ловро Кос на крајот собраа 934,4 поени. Од новите олимписки шампиони, Австријците, тие имаа 8,3 поени помалку. Клучен беше скокот на Зајц во третата серија.
За „златните“ Австријци скокаа Штефан Крафт, Даниел Хубер, Јан Херл и Мануел Фетнер. Ова е трето олимписко злато за Австрија во тимските скокови, прво по пауза од 12 години и ЗОИ во Ванкувер.
Бронзата им припадна на Германците: Константин Шмид, Штефан Лајне, Маркус Ајзенбихлер и Карл Гајгер.
> Уште еден медал за Словенија во ски-скоковите – Австрија победи во екипна конкуренција <
