Властите на самопрогласената Доњецка Народна Република (ДНР) подигнаа обвинение против двајца британски платеници, со истите обвинувања како и претходно кога тројца странци беа осудени, јавува Доњецка новинска агенција, повикувајќи се на неименуван извор.
Се вели дека двајцата Британци се соочуваат со можна смртна казна што би можело да се протолкува како обид да се изврши притисок врз западните земји.
1/ The russians in the “DPR” brought charges against two more British prisoners. This time to a humanitarian volunteer and a military
22-year-old Dylan Healy (provided humanitarian aid in southern Ukraine) and 35-year-old Andrew Hill (a member of the Foreign Legion) are charged pic.twitter.com/pDf4RE4PkE
— Oriannalyla ?? (@Lyla_lilas) July 1, 2022
Британците Ендру Хил од Плимут и Дилан Хили од Хантингдон се обвинети за „насилно преземање власт“ и за „терористичка обука“, наведува агенцијата.
Минатиот месец властите во Доњецк осудија на смрт двајца Британци и еден Мароканец поради истите обвиненија.
Не е познат денот кога треба да биде објавена казната, а Британците имаат можност за жалба на пресудата.
