Утрински Весник
Македонија

Уставниот суд има оформено предмет за вработените во СЈО, нема за владината одлука за пари за високообразовни установи

Уставниот суд има оформено предмет за вработените во СЈО, нема за владината одлука за пари за високообразовни установи

Скопје, 22 април 2020 (МИА) – По информации објавени од некои медиуми, Уставниот суд информира дека нема оформено предмети за оценување на уставноста и законитоста на одлуката на Владата за доделување парични средства на одредени високообразовни институции од земјава ниту досега е доставена иницијатива за оценување на нејзината  уставност и законитост.

– По однос на Уредбата со законска сила која се однесува на вработените во СЈО, информираме дека е оформен предмет по претходно поднесена иницијатива од политичка партија. До денес, по овој предмет не е закажана седница на која би се разгледувал истиот. Истовремено нагласуваме дека за Уставниот суд е неприфатливо однапред да се шпекулира со исходот на било кој предмет, соопшти Уставниот суд.

Судот апелира до медиумите дека може да ги постават своите прашања до портпаролот на Судот или преку електронски пат на мејлот кој што е објавен на сајтот, со цел да се добијат веродостојни и точни информации. хс/са/

Извор: mia.mk

Можете да прочитате

Грција испрати два канадера и копнени сили за гаснење на пожарот кај Дојран

Три пожари активни во Светиниколско

Пожарот кај Дојран се прошири и на грчка територија