Украинскиот министер за одбрана се надева дека ќе вооружи милион борци додека земјата се подготвува за „нова, долга фаза на војна“.
Олексеј Резников во објава на Фејсбук истакна дека Украина „ќе треба внимателно да ги планира ресурсите и да избегне грешки за да победи во војната“. Веќе, рече тој, Русија претрпе стратешки пораз. Тој вели дека Украина ја чекаат многу тешки недели.
„Никој не може точно да каже колку недели. Во тој период ќе се браниме првенствено со свои средства од непријателот полуден од бес“, напиша тој.
Според него, зголемениот притисок на санкциите против Русија и зголемувањето на странската помош за Украина треба да создадат услови во рок од неколку месеци под кои Кремљ конечно ќе ги загуби сите шанси да постигне каков било успех. Тогаш, како што вели ќе се појави нова можност за Украина.
„Во овој исклучително тежок Во тој период ни треба единство, сплотеност, волја и трпение“, заклучи тој.
