Шеесетгодишен маж призна дека убил брачна двојка и нивните две мали деца во грчкиот град Андравида затоа што доцнеле со плаќање кирија, изјави министерот за цивилна заштита Такис Теодорикакос.
Мајка (37), татко (32) и деца на возраст од 3 и 2 години биле пронајдени мртви во средата во нивниот дом во малото гратче.
Ги застрелал родителите, ги задавил децата
Родителите биле убиени со огнено оружје, а децата биле задавени, изјави Теодорикакос за државната телевизија ЕРТ.
Убиецот бил уапсен во петокот доцна навечерта во пристанишниот град Патра, на околу 50 километри североисточно од Андравида, објави новинската агенција АНА.
Според медиумите, мажот уште на рана возраст покажувал знаци на насилство, пукајќи во ногата на друг ученик кога имал 15 години.
За него се вели дека има екстремистички ставови и дека објавува екстремни расистички пораки на социјалните мрежи.
