Полицијата поднесе кривична пријава против С.М.(48) од струшкото село Мислодежда поради сомнение за сторено кривично дело „пустошење шуми“ и против албанските државјани В.Л.(35), Б.Т.(35), и А.Т.(26) поради сомнение за сторени кривични дела „пустошење шуми“ и „кражба“.
Како што информираат од МВР, пријавениот С.М., во својство на директор на правно лице од Струга, неовластено ги ангажирал албанските државјани за сеча на дрва за која немал одобрение од надлежен орган.
Тие биле затекнати при нелегална сеча во шумски појас во атарот на селото Песочан, општина Дебарца, по што биле приведени од страна на полициските службеници.
По преземени мерки, било констатирано дека од почетокот на оваа година бесправно исекле 1.147 метри кубни буково, дабово и индустриско дрво.
Со тоа, на Јавното претпријатие „Национални шуми“ и на Шумското стопанство „Галичица“-Охрид им предизвикале материјална штета од околу два милиони денари.
