Три жени се повредени во сообраќајна незгода што се случи вчера во близина на автокампот „Отешево“.
Сообраќајната несреќа се случила помеѓу патничко моторно возило „опел астра“ со ресенски регистарски ознаки, управувано од Р.С.(38) од Ресен и патничко моторно возило „опел зафира“ со ресенски регистарски ознаки, управувано од Ц.Ј.(50) од с.Стење.
Во несреќата со тешки телесни повреди се здобила Т.Ц. (43) од с. Стење, сопатничка во возилото „опел зафира“ а со телесни повреди се здобиле М.Т. (61) и М.Ј. (47) од с. Евла, сопатнички во возилото „опел астра“, на кои им е укажана лекарска помош.
Увид на местото на настанот извршила екипа од Полициска станица Ресен.
