Штип, 14 април 2020 (МИА) – Пакети со прехранбени продукти и средства за дезинфекција ќе им бидат поделени на социјално ранливи семејства од Штип.
Градоначалникот на Штип Благој Бочварски денеска информира дека пакетите се донација од компанијата „КИТ-ГО“.
Пакетите ќе бидат поделени во текот на денешниот и утрешниот ден по утврдени критериуми од општинските институции и Центарот за социјални работи во Штип.
–Компанијата КИТ-ГО донира прехранбени производи и средства за дезинфекција во висина од над 140.000 денари што е за поздравување. Сакам да ја изразам мојата благодарност до оваа компанија што покажала општествена одговорност во овие тешки времиња, кога реално на граѓаните им е потребна секаква поддршка и помош, истакна Бочварски.
Тој апелира до сите компании и граѓани кои се во можност да донираат за да им се излезе во пресрет на сите граѓани. вдј/бак/
