Поп-ѕвездата Ријана и раперот Асап Роки станаа родители по првпат. Тие добија син, објави „ТМЗ“ во четвртокот.
Според истиот извор, Ријана (34) се породила на 13 мај во Лос Анџелес. Името е сè уште непознато за јавноста.
Претставници на двете музички ѕвезди не одговорија на барањата за коментар.
Ријана ја објави бременоста во јануари. Пејачката по потекло од Барбадос, чие родено име е Робин Фенти, има освоено девет „Греми“ награди, а исто така има и свој бренд за долна облека и за шминка, „Фенти“.
Ријана и А.П. Роки (33) беа пријатели многу години пред да почнат љубовна врска.