Утрински Весник
Свет

Талибанците до вработените жени: Останете дома

Талибанците до вработените жени: Останете дома
Dik 300x250 mk

Новата талибанска власт им нареди на жените вработени во градските служби да останат дома, изјави денеска привремениот градоначалник на Кабул, Хамдулах Намони.

Според агенциите, привремениот градоначалник Намони им рекол на новинарите дека само жените што не можат да бидат заменети со мажи при извршување на работата, имаат право да аплицираат за работа.

Тој рече дека ова вклучува квалификувани работници во одделите за дизајн и инженерство.

Според медиумите, ова е уште еден знак дека Талибанците го наметнуваат своето сурово толкување на шеријатскиот закон, кој вклучува ограничувања за жените во јавниот живот, и покрај првичните ветувања за толеранција и вклученост.

Во претходните 90 -ти години, Талибанците им забранија на девојчињата и жените да одат на училиште и да работат.

Намони рече дека се уште се чека конечна одлука за вработените во општинските одделенија во Кабул, и дека тој во меѓувреме ќе ги зголеми платите.

Тој додаде дека пред преземањето на Авганистан од страна на Талибанците минатиот месец, нешто помалку од една третина од речиси 3.000 вработени во градските служби биле жени кои работеле во сите оддели.

Можете да прочитате

Израел ја прекинува хуманитарната помош за Газа

Трамп: Нема да ја загрозам Америка поради Украина

Кина ги обвини САД за кибер напади врз Националниот центар за време