Уругвајскиот напаѓач Луис Суарез донесе конечна одлука каде ќе ја продолжи кариерата. Тој се враќа дома и ќе потпише договор со Насионал, неговиот матичен клуб каде ја почна кариерата.
„Беше невозможно да се одбие понудата од Насионал. Постигнавме преддоговор и во наредниот период треба да бидат договорени сите детали. Се надевам дека ќе уживам и во оваа нова авантура“, изјави Луис Суарез.
Суарез како слободен агент го напушти Атлетико Мадрид, имаше понуди од Борусија Дортмунд и од Астон Вила, како и од неколку клубови од МЛС – лигата, но на крајот реши да се врати во татковината.