Повеќе од 30 студенти во Јужна Кореја ги избричија главите пред јапонската амбасада во Сеул, во знак на протест против одлуката на Јапонија да пушти контаминирана вода во морето од нејзината оштетена нуклеарна централа во Фукушима.
Полицијата постојано растеруваше група луѓе кои скандираа и држеа плакати, но сепак не го спречија настанот, иако е во сила антипандемиска забрана за собирање повеќе од 10 лица, пренесува „Ројтерс“.
Trabalho perto da Embaixada do Japão em Seul e ao que parece os protestos em massa estão voltando com força total.
A decisão japonesa, internacionalmente amparada, de despejar a água radioativa retida no desastre de Fukushima é o novo pivô da fúria local. pic.twitter.com/7tynfCiCxc
— othiagomattos (@othiagomattos) April 20, 2021
Јапонската влада минатата недела објави дека ќе испушти повеќе од милион тони прочистена радиоактивна вода од локалитетот Фукушима и дека тоа ќе се реализира во фази што ќе започнат за околу две години.
Официјален Сеул остро ја критикуваше оваа одлука.
