Два украински дрона се срушија во југоисточна Финска денеска претпладне, потврдија локални извори и Министерството за одбрана на земјата.
„Дроновите залутале на финска територија. Ова го сфаќаме многу сериозно. Безбедносните власти веднаш реагираа. Истрагата продолжува, а подетални информации ќе бидат споделени откако ќе се потврдат фактите“, напиша министерот за одбрана Антти Хаканен на социјалната мрежа Х.
Во тек е истрага Неколку мали летала кои се движеле со мала брзина биле откриени како летаат на ниска надморска височина над морето и југоисточните региони на Финска, јави телевизијата „Yle“, повикувајќи се на Министерството за одбрана.
Финското воено воздухопловство соопшти дека дроновите што се срушиле во југоисточниот регион Кименлаксо се украински. Опишувајќи ја „територијалната повреда“ како „многу сериозна работа“, премиерот Петери Орпо исто така изјави за „Yle“ дека дроновите се најверојатно украински, напоменувајќи дека инцидентот сè уште се истражува.
Локалната полиција потврди дека нема пријавени повредени лица. Југоисточниот дел на Финска граничи со Русија.
