Продолжува сагата околу српскиот фудбалски репрезентативец Душан Влаховиќ и неговото продолжување на соработката со Фиорентина. „Виолетовите“ на Србинот му нудат најдобар договор во историјата на клубот.
„Не знам дали Влаховиќ ќе потпише нов договор. Му понудивме 40 милиони евра бруто плата за 5 години, најголем договор во историјата на клубот, поголем од оние на Батистута и Руи Коста. Тој ризикува, а јас станувам нервозен“ вели претседателот на „виолетовите“ – Рико Комисо.
Влаховиќ се уште одолговлекува со потпишувањето на нов договор, а постојниот му истекува во 2023 година.
За неговите услуги се заинтересирани голем број од европските гиганти, а најконкретен беше Атлетико Мадрид.
Сезонава тој има постигнато 6 гола на 7 натпревари.
> „Станувам нервозен, на Влаховиќ му нудиме подобар договор од оној на Батистута“ <
