Од страна на СВР Струмица, заедно со Одделот за криминалистичка полиција – Сектор за општ и насилен криминал во координација со полициски службеници од СВР Скопје, по преземени мерки и активности, од слобода се лишени И.Ј.(40) од Струмица и Ф.С.(36) од Скопје, се сомничат за сторено кривично дело „изнуда“, соопшти полицијата.
Имено, на 09.08 2022 А.Т. од Струмица пријавил дека во изминатата година осомничените И.Ј. и Ф.С. во повеќе наврати со вербални закани и со закана со пиштол од него успеале да изнудат околу 20.000 евра.
Од страна на СВР Струмица до ОЈО Струмица против двете лица е поднесена кривична пријава.