Глас за Македонија бара итно расчистување на бруталниот напад, на среде улица, во среде бел ден, врз активистот Љупчо Палевски.
„МВР да не излегува со анемични изјави од типот: ‘се работи на расчистување на случајот’, туку итно да преземе ефикасна и масовна акција за пронаоѓање на напаѓачите. Ова е тест за старо-новата власт: дали правдата ќе биде спроведена и кон нејзините критичари, или правдата и натаму ќе се дели по партиска основа. Ако случајот со Љупчо Палевски не биде бргу расчистен и напаѓачите не бидат казнети соодветно, ќе добиеме потврда дека живееме во држава со голем ризик, владеена од мафијашки структури“, се вели во соопштението на Солза Грчева.
