Министерството за одбрана на Авганистан денеска потврди дека девет авганистански припадници на безбедносните сили загинале во пад на хеликоптер во централниот дел на земјата, пренесува „Ројтерс“.
Во соопштението на Министерството за одбрана се вели дека тие ја испитуваат несреќата што се случи доцна вчера во провинцијата Мајдан Вардак, и дека меѓу жртвите има членови на екипажот и припадници на единиците на специјалната војска.
Извор од авганистанското воено воздухопловство и официјален покраински претставник потврдија за „Ројтерс“ дека хеликоптерот бил погоден од ракета при полетување.
