Триесет и едногодишен скопјанец загина во сообраќајна несреќа, што вчера се случила на автопатот Куманово – Скопје, во близина на клучката кај Хиподром.
Според информациите од МВР, до несреќата дошло кога Д. Ѓ. со автомобилот „фиат фиорино“ излетал од патот. Тој починал на местото на несреќата, а смрт констатирала екипа од итната медицинска помош.
Извршен бил увид од екипа на СВР Скопје и јавен обвинител, по чија наредба телото било дадено на обдукција.
