Варијантата на коронавирусот, за којашто виетнамските власти тврдат дека е комбинација од индиски и британски соеви, не е нов хибрид, туку дел од постојниот индиски вид, изјави денеска претставникот на Светската здравствена организација (СЗО) во Виетнам.
„ Во моментов нема нова хибридна варијанта во Виетнам заснована на дефиницијата на СЗО“ изјави претставникот на СЗО, Кидонг Парк во интервју за весникот „Никеи“.
Тој додаде дека оваа варијанта на коронавирусот е дел од варијацијата што потекнува од Индија.
