Прилеп, 9 јуни 2020 (МИА) – Прилеп започна со распределбата на 100 таблет-компјутери, донација наменета за учениците во основните училишта.
Станува збор за донација на тетовското семејство Дестани преку компанијата „Еколог“. Таблет-компјутерите ќе им бидат поделени на учениците чии семејства спаѓаат во социјално ранливите категории. Подарувањето на таблетите почна во големата сала на прилепската локална самоуправа.
Таблетите ќе бидат распределени во сите седум основни училишта во градот како и во трите училишта во населените места: Тополчани, Мало Коњари и Канатларци, согласно со бројот на запишаните ученици.
Рспределбата се врши со примена на протоколите и на препораките на Владата и на Комисијата за заразни болести за заштита од коронавирусот.ем/см/
