Тројца полицајци се повредени во сообраќајна несреќа што се случила рано утрово во Скопје.
Според информациите на МВР, во 03,37 часот во Скопје на крстосницата од ул.„Франклин Рузвелт“ со ул.„Орце Николов“, се случила сообраќајна незгода помеѓу „шкода јети“ сопственост на МВР, а управувано од К.Н. и „мицибуши спејстар“ со скопски регистарски ознаки, управувано од В.А.(41) од Скопје.
Со повреди се здобиле тројца полицајци од возилото „шкода јети“, по што им била укажана помош во Комплексот клиники „Мајка Тереза“.
Извршен бил увид на местото на настанот од увидна екипа од СВР Скопје.
