Тетово, 24 март 2020 (МИА) – Уште седум лица ноќеска не го почитувале ограничувањето на движењето во периодот од 21 од 5 часот, соопшти денеска МВР.
Полицијата вчера инфомираше дека пет лица на тетовското подрачје не останале дома во време на полицискиот час, или вкупно 12 за првите два дена од мерката.
– Во изминатото деноноќие на подрачјето на СВР Тетово на 22 лица им се издадени решенија за изолација од Државниот санитарен и здравствен инспекторат, и три лица пополниле изјави дека ќе ги почитуваат препораките за самоизолација од 14 дена. Притоа во споменатиот преиод не се констатирани лица кои ја прекршиле обврската за изолација/самоизолација, соопшти МВР.
Во периодот од 26 февруари до 7 часот на 24 март на подрачјето на СВР Тетово издадени се вкупно 56 решенија за изолација, додека пополнети се 670 изјави за самоизолација. Во наведениот период регистрирани се само три непочитувања на дадените изјави за самоизолација, додека поднесени се четири кривични пријави против четворица сторители по член 206 од Кривичниот законик. ас/мс/
