„Слушнавме врисок, се качивме горе. Фрањо и неговиот син беа мртви. Тој работеше во полиција“, раскажуваат жителите на Мајске Пољане, каде во вчерашниот земјотрес животот го загубија петмина, меѓу кои и татко и син кои биле во нивниот дом кога се случил потресот.
Преплашените граѓани раскажуваат дека ноќта ја поминале во автомобилите,а палеле и оган на улица за да се стоплат. „Се тресеше цела ноќ. Ако има некаква помош, какви контејнери, добро би ни дошле”, велат тие.
Најмалку седум лица загинаа во разорниот земјотрес со јачина од 6,2 степени по Рихтер што ја погоди Хрватска, поточно, областа Петриња.
