Торино, 27 јуни 2020 (МИА) – Тренерот на Јувентус, Маурицио Сари изјави дека е среќен за Гонзало Игуаин, го нарече Даглас Коста „исклучително оружје“ и изрази надеж дека ќе го задржи Миралем Пјаниќ по август.
Јувентус се измачи против Лече во петокот вечер, постигнувајќи го својот прв гол во победата од 4-0 во 53. минута. Во текот на првото полувреме, Кристијано Роналдо и Федерико Бернадески промашија за Торино, но упорноста на фудбалерите на Сари се исплатеше по паузата.
– Тоа беше тежок натпревар физички. Играчите немаа гориво. Овие натпревари на три дена веќе се рефлектираат. Важно е што ние вечерва останавме фокусирани и вистинити на самите себе. Мислиме само на самите себе, рече Сари.
Аргентинецот Гонзало Игуаин постигна гол во својот прв натпревар по рестартирањето на сезоната, откако помина многу тежок период. Неговата мајка се зарази со коронавирусот и тој остана во Аргентина да се грижи за неа.
– Среќен сум за него. Коронавирусот многу го погоди. Сега мило ми е што го видов назад во нормала. Даглас Коста е исклучително оружје, особено во ова време од сезоната кога тимовите ризикуваат да попуштат физички во второто полувреме. Тој може да го промени текот на секој натпревар со неговата форма, рече Сари.
Тој исто така ја коментираше темата за Миралем Пјаниќ, кој е поврзан со трансфер во Барселона.
– Тој ќе биде со нас со сигурност до крајот на август. Сакам тој да остане после тоа, но ова се одлуки што ќе бидат донесени во подоцнежна фаза. Не знам ништо повеќе во моментов, заклучи стратегот.
