Руски суд денеска го казни „Твитер“ со 3,2 милиони рубљи (околу 35.000 евра) за небришење на содржини за кои се тврди дека се забранети.
Москва минатиот месец објави дека ја забавува брзината на американската платформа „Твитер“ во Русија и на 16 март се закани дека зa еден месец во целост ќе ги забрани нејзините услуги, поради достапност на содржина која варира од детска порнографија до злоупотреба на дрога, пренесува „Ројтерс“.
„Твитер“ не ја коментираше пресудата. Претходно, сепак, беше објавено дека компанијата е загрижена за руската кампања против слободата на говорот и негираше дека дозволила платформата да се користи за промовирање на незаконско однесување, како што тврдат руските власти.
