Државната дума на Русија денеска усвои предлог-резолуција за признавање на самопрогласените Доњецк и Луганск.
Претседателот на Долниот дом на Парламентот, Вјачеслав Володин изјави дека документот веднаш ќе биде испратен до претседателот на државата, пренесуваат агенциите.
Пратениците сметаат дека признавањето на овие региони ќе создаде основа за обезбедување безбедносни гаранции и заштита на жителите на тие републики од надворешни закани, како и за зајакнување на меѓународниот мир и регионалната стабилност, нагласи Володин.
Според агенциите, за оваа одлука гласале 351 пратеник, 16 биле против, а еден воздржан.
