Според одлуката што ја потпиша рускиот претседател Владимир Путин, за призавање на двете сепаратистички републики, руска војска ќе биде испратена во источна Украина во, како што се вели, мировна мисија.
Имено, одлуката за признавање на двете проруски територии како независни држави вклучува одредба според која руската армија ќе одржува мир во тие републики.
Поедноставно, тоа значи дека рускиопт претседател одлучил да испрати руската армија во источна Украина. Сè уште не се знае колку војници ќе испрати Путин во Украина, кога ќе ја преминат границата и што точно ќе прави таму. ЕУ, Америка и Британија веднаш најавија санкции против Русија.
По признавањето на Донецк и Луганск, рускиот претседател му нареди на Министерството за надворешни работи да воспостави и дипломатски односи со регионите кои Русија ги смета за независни држави.
Последните денови ситуацијата меѓу Русија и Украина ескалира, а во исто време има драматични изјави на западните сили дека руската инвазија на Украина е прашање на време и дека се подготвува целосен напад.
