Утрински Весник
Спорт

Роналдо против СПАЛ слави јубилеј – 1.000 натпревари во професионалната кариера

Зошто елиминацијата на Порто од ЛШ е добра вест за Роналдо?

Ферара, 22 февруари 2020 (МИА) – Петкратниот освојувач на „Златната топка“ и еден од најдобрите играчи во историјата на фудбалот, Кристијано Роналдо, вечерва го игра јубилејниот 1.000-от натпревар во неговата професионална кариера. Португалецот кој од 2018 година е член на Јувентус, на својот јубилеј постигна гол против СПАЛ и му донесе водство на својот тим по првото полувреме со 1:0.

Роналдо кариерата ја почна во Спортинг за кого одигра 33 натпревари (пет голови) во периодот 2002-03. Од 2003 до 2009 година беше дел од Манчестер јунајтед за кого забележа 292 настапа и 118 гола.

Следна дестинација за Кристијано беше Реал каде остана девет години (2009-2018), одигра 438 натпревари и постигна 450 голови.

Во Јувентус заедно со вечерашниот меч има 73 и 52 гола.

Роналдо има и 164 натпревари за португалската репрезентација за која постигнал 99 гола.

Вкупно има 1.000 натпревари и импресивни 724 голови. зс/

Извор: mia.mk

Можете да прочитате

Пораз на Денвер во Феникс – Дурент го запре Јокиќ

Истанбул ќе биде домаќин на Европските игри во 2027 година

Бекер му честиташе на Иванишевиќ