Скопје, 21 март 2020
Регулаторната комисија за енергетика и водни услуги ги демантира наводите од партиското соопштение на ВМРО ДПМЕН и ги цени како несериозни, некоректни и необјективни. Лажна вест е дека РКЕ има одржано три прес конференции.
Водејќи се од начелата на објективност, транспарентност и недискриминација, со примена на најдобрите меѓународни искуства и практики РКЕ како тело кое е независно во своето работење и одлучување ќе продолжи да ја информира јавноста за сите донесени одлуки.
Ги повикуваме партиите доколку имаат интерес да се информираат за работат на РКЕ од извештајот на Енергетската Заедница според кои РКЕ е на прво место и во 2018 и 2019 година од 9-те регулаторни тела на земјите-договорни страни на Договорот за основање на Енергетската заедница.
Регулаторната комисија за енергетика и водни услуги на Република Северна Македонија
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
