Новаци, 21 март 2020 (МИА) – Општина Новаци во соработка со ЈКП „Комунална хигиена“ – Новаци реализира еко и превентивна акција за заштита од Ковид-19.
Во текот на денот извршено е миење на локалните улици, дезинфицирани се јавните површини и објекти, а се чистат и депонии на подрачјето на тамошната локална самоуправа.
– Секојдневно и конкретно влијаеме врз граѓаните за тоа како се подобрува јавната хигиена, а деновиве паралелно информираме за владините и општинските мерки за заштита од Ковид-19. Апелирам да не се создаваат нови депонии, но повеќе од се апелирам секој граѓанин без потреба да не излегува од дома и секој жител на општината да се чувствува одговорен во борбата против ширењето на коронавирусот, истакна градоначалникот на Општина Новаци, Љубе Кузманоски.мт/фф/
