Враќањето на Кристијано Роналдо во таборот на Манчестер Јунајтед каде играше од 2003 до 2009 година предизвика еуфорија кај навивачите кои веруваат дека токму тој е она што му недостасуваше на клубот за повторно да се бори за трофеи.
Сигурно сега ќе има поместувања во тимот, се помалку место ќе има за Марсијал и за Гринвуд, но легендата на клубот, екс-дефанзивецот Рио Фердинанд предупредува да не му бидат дозволени сите привилегии на CR7.
„Сигурен сум дека Бруно Фернандеш ќе му ги препушти пеналите, но не треба и слободните удари. Мислам дека тој ќе ги изведува и во иднина и така треба да биде затоа што е многу опасен. Сигурен сум дека Бруно ја гледа широката слика и дека ќе се жртвува за конечната цел. Ако тоа значи помалку негови голови, а освојување повеќе трофеи, сигурен сум дека тој тоа ќе го прифати“ вели Фердинанд.
Интересен податок – Кристијано Роналдо има само 1 гол од последните 70 обиди од слободен удар. Во Јувентус постигна 27 гола од 32 обиди од белата точка.
Фернандеш за Јунајтед има постигнато два гола од слободен удар, а од пенал има само едно промашување од 22 пенали.
> Рио Фердинанд: Не смее Бруно да дозволи Роналдо да ги шутира слободните! <
